كتبنا عن بلدنا...ريم محمد
كتبنا عن بلدنا
............
كتبنا عن بلدنا فلسطين
حكولنا تجاوزتوا المسموح
صّحينا الضمير
قالوا غير مقبول
نادينا بقدسيتنا وعروبتنا
حكوا عنا إرهابيه
نادينا وينكم يااخوانا
ضحكوا وحكوا ابتدعوا اسلوب
استعطاف جديد
ليش هي القدس مش عربيه
ولاهي مو إسلامية
ولايمكن هي عبرية صارت لليهود
لمتى بدوا يضل الضمير نايم
خلص هو كاين من اهل الكهف
ولايمكن مكتوب على قبة الصخره
خاص للفلسطينيه
ونسينا انها للأمه العربيه
ولي ياشعبي شو معتر
لانافع معهم ضمير ولا وجع ارض
خلينا هيك أحسن
بلدنا النا وماحدا اله فضل علينا
عشان يوم تتحرر أرضي
نحكي والله أرواحنا فدتها
يمكن ماتعرفوا شو عم بحكي
ولايمكن انا فلاحه بنت بلدي
بحكي بالعاميه لاوزن ولا شي
بس هيك امي علمتني
أكون متل ماانا لاقناع ولا شي
وابوي حكالي انتي بنت الخليل
مابتخافي احكي وعلي الصوت
ولي بدو يفهم بفهم
خليكم ياجيراني نايمين
بس لاتنسوا في يوم حساب
وكل واحد بعرف وين كان
خايفه احكي صباح الحرية
يبلغوا عني اني إرهابية
احكيلكم شي
الرب واحد والعمر واحد
صباح الخير يابلادي
صباح الحرية يافلسطين
.......ريم محمد
تعليقات
إرسال تعليق